Ter Nagedagtenis: Schalk Pienaar

Dit is met groot hartseer dat Agri SA van Schalk Pienaar se afsterwe verneem. Schalk was ‘n leidende figuur binne landbou en het ‘n groot rol gespeel om georganiseerde landbou verder uit te brei en te verstewig. Schalk het in verskeie leierskaprolle gedien binne die landbou-waardeketting, insluitend Suidwes Beleggings, Premier Foods en die Graantrust. Schalk het teen tyde van sy afsterwe as Voorsitter van Agbiz gedien.

“Ek het Schalk binne Vrystaat Landbou leer ken. Hy was ten spyte van baie ander verantwoordelikhede vir meer as vier jaar betrokke by Vrystaat Landbou se uitvoerende bestuur. Ek het Schalk ook op die dagbestuur van Vrystaat Landbou gekoöpteer en sy bydra was deurgaans van onskatbare waarde. Ek sal hom onthou as ‘n ware heer en gentleman en ook ‘n indrukwekkende orator. Hy het uitsonderlike finesse gehad om enige saak met kalmte te hanteer en sodanig konsensus gevind,” het Dan Kriek, President van Agri SA gesê. “Hy was ‘n man van ware integriteit en ek sal hom baie mis. Suid-Afrika se landbouprodusente is Schalk Pienaar baie dank en erkenning verskuldig”.

Agri SA se bestuur en personeel wens Schalk se familie sterkte toe in hierdie moeilike tyd.

Navrae

Thea Liebenberg (Media Skakelbeampte)

082 388 0008