The post (English) Agri SA Media Release: Violence against farm communities must stop appeared first on Agri Limpopo.

Daar is aanvanklik verwag dat hierdie datum 22 April sou wees, maar dit is kort daarna verander na 12 April. Dit is later geskuif na 16 April, en daarna weer verander na onderskeidelik 11 Mei, 4 Junie en 9 Julie. Day Zero is nou onbepaald uitgestel. Die Stad het omvattende gebeurlikheidsplanne rondom die mobilisering van hulpbronne voorberei om 25-liter drinkbare water per persoon per dag te voorsien. Reëlings is getref vir die water om by sekere aangewese punte oral in die Stad afgehaal te word.

Die Stad se gebruik van hierdie scenario is voorheen bevraagteken deur verskeie watersektor-rolspelers, insluitend die landbousektor. Boere moes sedert 12 Januarie 2018 in baie gevalle sonder hul regmatige watertoedeling klaarkom as gevolg van nasionaal-ingestelde en streng toegepaste waterbeperkings. Dit het aanleiding gegee tot geweldige verliese en ontbering vir die landbougemeenskap, insluitend werksverliese vir seisoenale plaaswerkers.

Hoewel dit klaarblyklik gewone Kapenaars se aandag op die erns van die huidige droogte gevestig het, is dit moontlik dat hierdie scenario toevallig ook sy eie onvoorsiene waterbestuurskrisis geskep het. Paniekbevange inwoners (wat dit kon bekostig) het begin om rou- sowel as behandelde water op te berg in afwagting van Dag Zero. Hierdie ontwrigting van normale verbruikspatrone het geweldige probleme vir die Stad se waterbeplanners asook die Departement van Water en Sanitasie geskep.

Hoewel die Stad erken dat sy beraming van watervoorsiening hersien is as gevolg van ‘n vermindering in die landbou se waterverbruik, het dit versuim om erkenning te gee aan die landbousektor se volgehoue pogings in dié verband of die rampspoedige effek van die droogte op die landbousektor. Volgens Agri SA se hoof van Natuurlike Hulpbronne, Janse Rabie, skep die aankondiging (en herroeping) van Dag Zero die indruk dat dit ‘n vals alarm was waarvoor die landbousektor nou moet betaal.

“Terwyl ons dankbaar is dat Dag Zero nou blykbaar afgeweer is, moet mense besef dat die huidige droogte geensins verby is nie. Dit bly steeds ‘n nasionale ramp wat veral in die landbousektor van die Wes-Kaap by die dag erger word. Ons versoek alle regeringsvlakke om deurgaans te fokus op die erns van die droogte en om die kritieke droogtehulpmaatreëls vir die landbousektor te verbeter,” se Rabie.

Terwyl Dag Zero blykbaar afgeweer is, sleep die droogte in die provinsie en die Stad voort. Die Nasionale Waterbeperkings van 12 Januarie 2018, sowel as die Stad se Vlak 6b Waterbeperkings, is steeds in plek en mense is gevra om te voldoen aan die voorskrifte, onder andere ‘n beperking op hul persoonlike waterverbruik, d.w.s. hoogstens 50 liters per persoon per dag.

Uitgereik deur Agri SA, Direktoraat: Korporatiewe Skakeling

Navrae

Mnr Janse Rabie: Agri SA Hoof van Natuurlike Hulpbronne, 076 451 9601

The post Agri SA Mediaverklaring: Dag Zero mag afgeweer word in Kaapstad appeared first on Agri Limpopo.

Hierdie week was die gronddebat wat verband hou met onteiening sonder vergoeding die fokuspunt van die Graan SA-kongres. In egte demokratiese styl is die vloer geopen om ’n verskeidenheid sienswyses oor die onderwerp aan te hoor, “Dit was goed om begrip te hê vir die harte en gedagtes van mense en ons het ’n baie konstruktiewe debat verwelkom” sê Dan Kriek, President van Agri SA.

Vanuit ’n boerderyperspektief is dit noodsaaklik om die grondwet en eiendomsreg te beskerm. Graan SA het dit reggekry om konsensus te bereik oor baie belangrike beginsels met die grondbeginsels van volhoubaarheid en voedselsekerheid as die belangrikste kwessies. “Ons sal voortgaan met hierdie debat en sal voortgaan om te verstaan en konstruktiewe bydraes te lewer soos die voorbeeld wat in Graan SA se kongres gestel is” het Kriek opgemerk.

Die finale uitkoms was dat Graan SA grondhervorming op ’n volhoubare wyse om ekonomiese groei en voedselsekerheid in stand te hou, ondersteun het. Die onderskeie groepe het ooreengekom dat die dialoog oor grondhervorming sal voortgaan, tesame met handhawing van die huidige Grondwet.

“Op die ou end gaan dit nie net oor boerdery en landbou nie, maar oor die grondbeginsels in ons demokrasie wat op die spel is, ons sien hierdie gesprekke in ’n baie ernstige lig en ons ondersteun Graan SA ten volle in alles wat hulle aanpak” se Kriek.

Uitgereik deur Agri SA, Direktoraat:  Korporatiewe Skakeling

Navrae

Mnr Dan Kriek, President Agri SA, 082 944 0566

Mnr Omri van Zyl, Uitvoerende Direkteur, Agri SA, 012-643 3400 of 082 417 5724

The post Agri SA Mediaverklaring: Die gronddebat by Graan SA duur voort op ’n positiewe noot appeared first on Agri Limpopo.

Agri SA het sy toegewyde Water Sentrum vandag geloods wat gaan fokus op die prioriteit om regverdige toegang tot water vir Suid Afrikaans boere te verseker. Hierdie inisiatief is in reaksie op die verskeidenheid uitdagings wat landbou-watergebruikers in die gesig staar, wat uiterste droogte, klimaatsverandering en water-infrastruktuur wat nie behoorlik in stand gehou is nie, insluit. Die situasie is soveel meer dringend gegewe verskeie beleidsvoorstelle wat gelyktydig die koste van water kan verhoog terwyl die beskikbaarheid verlaag word.

Die Agri SA Water Sentrum sal ondermeer op water-beleid en wetgewende voorstelle soos die Nasionale Water en Sanitasie Meesterplan en die Nasionale Water Hulpbron Strategie fokus. Die huidige wysigings aan die Nasionale Waterwet sal byvoorbeeld die koste van water vir landbougebruikers bepaal, wat wys hoekom dit nodig is om met die regering en ander belanghebbendes van die begin af te skakel om  na ‘n regverdige resultaat te werk. Die Agri SA Water Sentrum sal ook insette tot die Water Navorsingskommissie (WRC) op navorsingprioriteite lewer en sal as forum optree vir top waterkundiges om hul insigte in a betekenisvolle manier te deel.

Die Agri SA Water Sentrum sal gelei word deur Janse Rabie, ‘n omgewingsprokureur en Hoof van Agri SA se Natuurlike Hulpbronne Sentrum van Uitnemendheid en Gregory Smith, a water-wetenskaplike. “Die Agri SA Water Sentrum gaan ‘n eenstop-sentrum vir Agri SA lede wees, waar hulle tydige informasie en advies op alles water-verwant kan kry,” het Janse Rabie gesê. “Gegewe die kompleksiteit van water-regte en die snelveranderende beleidsomgewing, glo ons dat ‘n toegewyde Water Sentrum die beste manier is om landbou-watergebruikers op hede te bly op alle regsontwikkelinge wat ‘n impak kan hê op die manier wat hulle boer en besigheid doen.”

“Agri SA is op die voorpunt van wetgewende en beleidsontwikkeling rakende die water-sektor in Suid Afrika. Agri SA poog om die regering en sleutelspelers in hierdie fundamentele area in samewerking en goeie navorsing-insigte te ondersteun,” het Dan Kriek, President van Agri SA gesê. 

Agri SA nooi sy lede en ander belangstellende groepe om kontak met die Agri SA Water Sentrum te maak om uit te vind hoe hulle betrokke kan raak.

Navrae

The post Agri SA Persverklaring: Agri SA Loods Water Sentrum appeared first on Agri Limpopo.

Agri SA wil graag die volgende duidelik stel: Die Burgermeester van Stad Ekurhuleni kan nie onteiening sonder vergoeding (OSV) aankondig sonder om die korrekte regsproses te volg nie. Hierdie beginsel is van toepassing op alle sfere van regering; munisipaal, provinsiaal en nasionaal.

“Om te suggereer dat eiendom summier onteien kan word sonder enige vergoeding is ‘n ernstige ondermyning van Suid Afrika se regsraamwerk,” sê Omri van Zyl, Uitvoerende Direkteur van Agri SA. “Politici kan nie regsuitsprake maak nie, slegs die Howe kan.”

Enige onteiening kan slegs vir ‘n regmatige doel in terme van spesifieke wetgewing, wat die magte van onteiening verskaf, uitgevoer word en die grondwet vereis dat regverdige en billike vergoeding betaal word en verskans ook die reg om enige dispuut rondom die vergoeding na ‘n hof te kan neem. Die howe behou die gesag om te besluit wat die vlak van billike vergoeding moet wees, in terme van relevant wetgewing en die grondwet.

In die belang van regsekerheid – eiendom kan onteien word vir behuising-doeleindes en die vergoeding kan minder wees as die markwaarde, mits die vergoeding steeds regverdig en billik is. Maar, die hof sal eers al die relevant faktore in ag moet neem voordat dit tot ‘n bevinding van wat regverdig en billik is kan kom

“Dit is nodig om te beklemtoon dat ons howe die finale arbiters is van wat vergoeding moet wees vir onteiende eiendom,” sê Annelize Crosby, Hoof van die Grond Sentrum van Uitnemendheid by Agri SA. “’n Nul-vergoedingsbedrag is slegs moontlik in baie uitsonderlike gevalle. Dit is in die nasionale belang dat ons howe riglyne ontwikkel en sekerheid verskaf oor wat regverdige en billike vergoeding is.”

Agri SA wil graag bevestig dat dit in toets-sake rakende hierdie kwessie betrokke sal raak. Agri SA is ook in die proses om meer inligting rakende die spesifieke eiendom deur sy affiliasie in Gauteng te bekom en sal dienooreenkomstig optree.

Navrae:
Omri van Zyl
Agri SA, Uitvoerende Direkteur
S: 082 417 5724

Annelize Crosby
Agri SA, Hoof: Sentrum van Uitnemendheid – Grond
S: 082 388 0017

The post Agri SA Mediaverklaring: Ekurhuleni Burgermeester kan nie onteien sonder vergoeding (OSV) buite regsproses appeared first on Agri Limpopo.