“Die tyd het aangebreek dat radikalisme in al sy vorme in Suid-Afrika uitgeroei word en landsburgers die vryheid wat die Grondwet bied in ‘n gederadikaliseerde samelewing kan ervaar.”

“Die afgelope tyd is daar in die media kennis geneem van verskeie rassistiese voorvalle wat nie nasiebou bevorder nie, maar eerder gemeenskappe van mekaar verwyder”, sê Johannes Möller, president van Agri SA.

“Ons land en sy mense het ‘n samelewing nodig waar hulle reg op lewe gerespekteer en almal ewe belangrik geag word. Ek doen vandag ‘n beroep op alle Suid-Afrikaners om geweldsmisdaad en rassisme in alle vorme te veroordeel en in gemeenskapsverband na mekaar uit te reik en van die land ‘n beter plek te maak waar almal in vrede en verdraagsaamheid kan saamleef, sê Möller”.

Klik hier om meer te lees.

The post Radikalisme het nie plek in Suid-Afrika nie. appeared first on Agri Limpopo.

The post (English) Agri SA Media Release: Fracking Regulations – 18 October 2017 appeared first on Agri Limpopo.

The post (English) AGRI SA MEDIA RELEASE: Agri SA concerned about regulations of agricultural land holdings bill appeared first on Agri Limpopo.

The post (English) Agri SA Media Release: Violence against farm communities must stop appeared first on Agri Limpopo.

4 Desember 2017

Alle belanghebbendes in die landbousektor moet saamwerk om die onaanvaarbare vlak van misdaad wat plaasgemeenskappe ervaar aan te spreek, veral gedurende die feesseisoen. Op 2 November het ‘n groep bekommerde belanghebbendes in Pretoria byeen gekom om idees te deel oor hoe om landelike veiligheid te bewerkstellig. Tydens hierdie vergadering is die Agri Sector Unity Forum (Asuf) versoek om `n inklusiewe subkomitee op die been te bring om misdaadbestryding tussen boeregemeenskappe, diensverskaffers en ander belanghebbendes te koördineer. Asuf is `n inklusiewe, verteenwoordigende liggaam wat bestaan uit Agri SA, die African Farmers’ Union (Afasa), die National African Farmers’ Union (Nafu) en die TLU SA.

 Daarom het Asuf onlangs in Centurion vergader om die veiligheid van alle boere, plaaswerkers en landelike gemeenskappe te bespreek. Japie Grobler, voorsitter van Asuf, het `n beroep gedoen op alle boere en plaaswerkers om saam met die polisie en hul bure te werk om `n einde te bring aan misdaad en `n veilige omgewing vir almal te verseker. Grobler het ook `n beroep gedoen op die publiek om geldelike skenkings aan die Agri Securitas-trustfonds te doen om dié fonds te steun in sy pogings om boerderygemeenskappe te beveilig.

 Boere-unies het `n behoefte aan kameras, hommeltuie, tweerigtingradio’s en ander tegnologie om die veiligheid van boerderygemeenskappe te bevorder. Oor die jare heen het Agri Securitas `n belangrike rol gespeel in `n reeks praktiese ingrypings om die veiligheid van boere en plaaswerkers te verbeter.

 “Misdadigers hou `n geweldige bedreiging in vir voedselsekerheid en uiteindelik ook sosio-ekonomiese stabiliteit,” sê Grobler. “Ekstra voorsorg, paraatheid en netwerke op grondvlak tussen boere onder mekaar, asook met die polisie, is dus noodsaaklik – veral gedurende die feesseisoen.”

 Grobler prys die landelike veiligheidsvennootskappe tussen die onderskeie georganiseerde landbou-organisasies in sekere provinsies en hul pogings om misdaad te bekamp en misdadigers aan te keer. Hy het ook die pogings van `n wye verskeidenheid  belanghebbendes om `n veilige omgewing binne die gereg te bewerkstellig, verwelkom.

 Ongeag die grootte van hul boerdery, ras of geslag, word boere en plaaswerkers voortdurend geteken deur gewetenlose misdadigers. Misdadigers het geen respek vir die mense- en grondwetlike regte van boere en hul werkers en hul bydrae tot voedselsekerheid, werkskepping en die ekonomiese bevordering van plaaslike gemeenskappe nie.

 Misdaadvlakke op plase in Suid-Afrika is bó internasionale gemiddeldes. Die direkte en indirekte koste van misdaad vir individue, gesinne, woonbuurte, sake-ondernemings, die regering en die ekonomie hou `n ernstige bedreiging in vir voedselsekerheid en sosio-ekonomiese stabiliteit. Dit veroorsaak ook aansienlike finansiële verlies, verbrokkeling van vertrouensverhoudinge tussen plaaslike gemeenskappe en wakker vrees aan. Slagoffers van misdaad moet ook met erge trauma en langdurige fisiese en sielkundige letsels saamleef.

 Die situasie het onhoudbaar geword. Misdadigers word toenemend roekeloser. Hulle teiken en steel nie net die vee, plaasprodukte en infrastruktuur van kommersiële, opkomende en bestaansboere, maar martel en vermoor ook boere, plaaswerkers en hul gesinslede. In sommige gevalle word vee wreedaardig vermink terwyl hulle nog lewe.

 Asuf beplan om mettertyd met die polisieminister en kabinetslede te vergader en sal die publiek inlig oor die uitkoms van dié vergaderings en die aksies wat daarop gaan volg.

Uitgereik deur Agri SA, Direktoraat:  Korporatiewe Skakeling namens Asuf

Navrae

Mnr Japie Grobler, Voorsitter, Asuf, 0828258018

Christo van der Rheede, Sekretariaat Asuf, 012-643 3400 of 083 380 3492

The post Asuf Mediaverklaring: Landelike veiligheid in die feesseisoen appeared first on Agri Limpopo.

Volgens die Nasionale Instituut vir Aanmeldbare Siektes (NICD) is ongeveer 557 gevalle aangemeld en die meeste daarvan is in Gauteng.

 Listeria is ‘n bakterie (Listeria monocytogenes) wat in grond, water en plante voorkom. Dit kan ook in sommige diere voorkom, byvoorbeeld pluimvee en beeste. Ongepasteuriseerde melk en ander voedsel wat daarmee vervaardig word, kan ook die bakterieë bevat. Die siekte kan nie versprei word deur kontak met besmette persone nie.

 Volgens Janse Rabie, hoof van Natuurlike Hulpbronne by Agri SA, wys die onlangse uitbreking van listerellose hoe uiters kwesbaar alle mense is waar dit besmetting van ons natuurlike hulpbronne, veral grond en water, betref.

 Volgens die Wêreldgesondheidsorganisasie (WGO) moet mense mediese behandeling kry indien hulle die volgende simptome ervaar:

• Koors
• ‘n Stywe nek
• Verwarring
• Algemene swakheid
• Braking (soms vooraf gegaan deur diarree).

 Behandeling van listerellose is gewoonlik simptomaties en hang af van hoe siek die pasiënt is. Indien die infeksie ernstig is, word die gebruik van antibiotika moontlik aanbeveel. Mense met ‘n verswakte immuunstelsel, ouer volwassenes of swanger vroue mag dringende mediese sorg benodig.

 Voorkomingsmaatreëls sluit die volgende in:

• Vermy ongepasteuriseerde melk of voedsel wat ongepasteuriseerde melk bevat
• Handhaaf goeie higiëne, byvoorbeeld om gereeld hande te was en kos in `n skoon omgewing voor te berei
• Sorg dat diereprodukte soos vleis, pluimvee of vis deeglik gaar is
• Let op die vervaldatums van bederfbare voedsel.

 Agri SA neem voor om enige hulp te verleen aan die NICD en die departement van gesondheid om die oorsprong van die siekte uit te roei.

The post Agri SA erg bekommerd oor listeriose-uitbraak in Suid-Afrika appeared first on Agri Limpopo.

 Volgens ‘n onlangse mediaverklaring, verwag kundiges dat die herfskommandowurm oor Suid-Afrika heen sal versprei (met die moontlike uitsondering van die Wes-Kaap). Die verslag dui aan dat besmetting in vyf distrikte in Limpopo, dele van Mpumalanga asook in die Oos-Kaap aangemeld is.

Die Departement van Landbou, Bosbou en Visserye (DAFF) het versoek dat boere en landbou-organisasies hul monitering- en aanmeldingspogings ten opsigte van hierdie plaag landswyd opskerp.

Daaglikse en weeklikse verslae moet aan DAFF voorgelê vir alle nuwe gebiede waar FAW voorkom.

Agri SA verwelkom die tydige optrede deur DAFF, insluitend die beskikbaarstelling van plaagdoders om die verspreiding van die plaag te bekamp. Agri SA wil graag boere daarop attent maak dat die aanwending van chemikalieë in konsultasie met die betrokke verteenwoordigers moet geskied.

Alhoewel hierdie wurm meestal mielieplante aanval, kom dit ook soms voor in katoen, koring, sorghum, sojabone, aartappels en grondbone. Om dié rede is dit belangrik om te let op skade aan hierdie gewasse en die teenwoordigheid van die indringer-spesies.

Dan Kriek, President van Agri SA, het Graan SA en ander rolspelers wat die situasie namens die bedryf moniteer bedank.

Uitgereik deur Agri SA, Direktoraat: Korporatiewe Skakeling

Navrae

Mnr Dan Kriek, President Agri SA, 082 944 0566

Mnr Janse Rabie, Hoof van Natuurlike Hulpbronne, Agri SA, 076 451 9601

The post Mediaverklaring / Media Release appeared first on Agri Limpopo.

‘n Bekende boer, weldoener en gemeenskapsleier, Dirk Steenkamp is vroeg Sondagoggend op sy plaas in die Vredefort-omgewing vermoor. “Moorde en ander geweldsmisdade waaronder die landbougemeenskap voortdurend gebuk gaan spreek van ‘n gemeenskap waarin daar ernstige tekortkominge met die uitleef van waardes en die respek vir lewe is”, sê Dan Kriek, president van Agri SA.

Steenkamp was in die gemeenskap bekend as ‘n weldoener wat nooit gehuiwer het om behoeftige mense te help nie. Die Steenkamp moord het weereens die fokus geplaas op die sinneloosheid en lafhartigheid van die daad, asook die kwesbaarheid van boere en plaaswerkers wat in die buitelug hulle werk moet doen in belang van die land. Die moord het onmeetbare hartseer en woede vir sy familie, plaaswerkers en die gemeenskap tot gevolg. Kriek het namens Agri SA sy meegevoel met die Steenkamp-familie uitgespreek en ‘n beroep op die polisie gedoen om die aanvallers so spoedig moontlik aan te keer.

“Die onverantwoordelike en roekelose uitsprake oor die grondkwessie wat op ‘n gereelde basis in die media gerapporteer word, lei tot die polarisasie van mense en gemeenskappe, asook die aanhitsing van geweld teenoor ‘n sekere groep van die samelewing. Die tipe uitsprake hoort nie tuis in ‘n samelewing waarin onderlinge respek en verdraagsaamheid noodsaaklik is vir nasiebou en stabiliteit nie”, sê Kriek.

Kriek sê verder dat, “ongekwalifiseerde uitsprake oor grond katastrofies vir landbou-ontwikkeling en verdere belegging in die landbou is, veral omdat dit op ongegronde en verkeerde aannames gebaseer word. Hierdie uitsprake kan deur sekere individue vertolk word as ‘n regverdiging om lede van die boerderygemeenskap aan te val en te vermoor”.

“Ons glo dat daar nog genoegsame verbintenisse tot die handhawing van die beginsels van die Grondwet in die regering is om toe te sien dat landbou steeds sy regmatige plek in die ekonomie sal behou, werk te skep en toe te sien dat die landbou steeds voldoen aan die beginsel van voedselsekerheid”, sê Kriek.

Kriek het ‘n beroep gedoen op landbougemeenskappe om hulle plaaslike veiligheidstrukture te ondersteun en in gemeenskapsverband met die polisie saam te werk om hulle eie paraatheid op te skerp. Geen beskermingsmaatreëls is egter ‘n waarborg dat ‘n plaasaanval nie sal plaasvind nie, maar dit kan die aanval vertraag en inwoners ‘n kans gee om noodmaatreëls in werking te stel.

The post Agri SA Mediaverklaring: Weldoener betaal met sy lewe appeared first on Agri Limpopo.

Daar is aanvanklik verwag dat hierdie datum 22 April sou wees, maar dit is kort daarna verander na 12 April. Dit is later geskuif na 16 April, en daarna weer verander na onderskeidelik 11 Mei, 4 Junie en 9 Julie. Day Zero is nou onbepaald uitgestel. Die Stad het omvattende gebeurlikheidsplanne rondom die mobilisering van hulpbronne voorberei om 25-liter drinkbare water per persoon per dag te voorsien. Reëlings is getref vir die water om by sekere aangewese punte oral in die Stad afgehaal te word.

Die Stad se gebruik van hierdie scenario is voorheen bevraagteken deur verskeie watersektor-rolspelers, insluitend die landbousektor. Boere moes sedert 12 Januarie 2018 in baie gevalle sonder hul regmatige watertoedeling klaarkom as gevolg van nasionaal-ingestelde en streng toegepaste waterbeperkings. Dit het aanleiding gegee tot geweldige verliese en ontbering vir die landbougemeenskap, insluitend werksverliese vir seisoenale plaaswerkers.

Hoewel dit klaarblyklik gewone Kapenaars se aandag op die erns van die huidige droogte gevestig het, is dit moontlik dat hierdie scenario toevallig ook sy eie onvoorsiene waterbestuurskrisis geskep het. Paniekbevange inwoners (wat dit kon bekostig) het begin om rou- sowel as behandelde water op te berg in afwagting van Dag Zero. Hierdie ontwrigting van normale verbruikspatrone het geweldige probleme vir die Stad se waterbeplanners asook die Departement van Water en Sanitasie geskep.

Hoewel die Stad erken dat sy beraming van watervoorsiening hersien is as gevolg van ‘n vermindering in die landbou se waterverbruik, het dit versuim om erkenning te gee aan die landbousektor se volgehoue pogings in dié verband of die rampspoedige effek van die droogte op die landbousektor. Volgens Agri SA se hoof van Natuurlike Hulpbronne, Janse Rabie, skep die aankondiging (en herroeping) van Dag Zero die indruk dat dit ‘n vals alarm was waarvoor die landbousektor nou moet betaal.

“Terwyl ons dankbaar is dat Dag Zero nou blykbaar afgeweer is, moet mense besef dat die huidige droogte geensins verby is nie. Dit bly steeds ‘n nasionale ramp wat veral in die landbousektor van die Wes-Kaap by die dag erger word. Ons versoek alle regeringsvlakke om deurgaans te fokus op die erns van die droogte en om die kritieke droogtehulpmaatreëls vir die landbousektor te verbeter,” se Rabie.

Terwyl Dag Zero blykbaar afgeweer is, sleep die droogte in die provinsie en die Stad voort. Die Nasionale Waterbeperkings van 12 Januarie 2018, sowel as die Stad se Vlak 6b Waterbeperkings, is steeds in plek en mense is gevra om te voldoen aan die voorskrifte, onder andere ‘n beperking op hul persoonlike waterverbruik, d.w.s. hoogstens 50 liters per persoon per dag.

Uitgereik deur Agri SA, Direktoraat: Korporatiewe Skakeling

Navrae

Mnr Janse Rabie: Agri SA Hoof van Natuurlike Hulpbronne, 076 451 9601

The post Agri SA Mediaverklaring: Dag Zero mag afgeweer word in Kaapstad appeared first on Agri Limpopo.

Hierdie week was die gronddebat wat verband hou met onteiening sonder vergoeding die fokuspunt van die Graan SA-kongres. In egte demokratiese styl is die vloer geopen om ’n verskeidenheid sienswyses oor die onderwerp aan te hoor, “Dit was goed om begrip te hê vir die harte en gedagtes van mense en ons het ’n baie konstruktiewe debat verwelkom” sê Dan Kriek, President van Agri SA.

Vanuit ’n boerderyperspektief is dit noodsaaklik om die grondwet en eiendomsreg te beskerm. Graan SA het dit reggekry om konsensus te bereik oor baie belangrike beginsels met die grondbeginsels van volhoubaarheid en voedselsekerheid as die belangrikste kwessies. “Ons sal voortgaan met hierdie debat en sal voortgaan om te verstaan en konstruktiewe bydraes te lewer soos die voorbeeld wat in Graan SA se kongres gestel is” het Kriek opgemerk.

Die finale uitkoms was dat Graan SA grondhervorming op ’n volhoubare wyse om ekonomiese groei en voedselsekerheid in stand te hou, ondersteun het. Die onderskeie groepe het ooreengekom dat die dialoog oor grondhervorming sal voortgaan, tesame met handhawing van die huidige Grondwet.

“Op die ou end gaan dit nie net oor boerdery en landbou nie, maar oor die grondbeginsels in ons demokrasie wat op die spel is, ons sien hierdie gesprekke in ’n baie ernstige lig en ons ondersteun Graan SA ten volle in alles wat hulle aanpak” se Kriek.

Uitgereik deur Agri SA, Direktoraat:  Korporatiewe Skakeling

Navrae

Mnr Dan Kriek, President Agri SA, 082 944 0566

Mnr Omri van Zyl, Uitvoerende Direkteur, Agri SA, 012-643 3400 of 082 417 5724

The post Agri SA Mediaverklaring: Die gronddebat by Graan SA duur voort op ’n positiewe noot appeared first on Agri Limpopo.